#५८ हाऊ टू किडनॅप द रिच - लेखक राहुल रैना

#marathibookreview #5/2026

"हाऊ टू किडनॅप द रिच" हे अफलातून पुस्तक वाचले. राहुल रैना लिखित २८२ पानांचे हे पुस्तक दुसऱ्याच्या नावावर परीक्षा देणाऱ्या एका तोतया उमेदवाराच्या कहाणीवर आधारित आहे. रमेश कुमार हा कथेचा नायक रुडी उर्फ रुद्राक्ष सक्सेना या अतिश्रीमंत वाया गेलेल्या पोराच्या नावावर १३ लाख रुपये मोबदल्यात ऑल इंडिया लेव्हलची परीक्षा देतो आणि चक्क भारतात पहिला येतो. रुडी मग ब्रेन ऑफ भारत या टीव्ही मालिकेचा नायक होतो आणि रमेश त्याचा मॅनेजर. 

मग कथानकात अपहरणाची मालिका सुरू होते. पुस्तकात अतिशय रंजक घटना आणि रमेश, रुडी, प्रोडयुसर ओबेरॉय, नायिका प्रिया, बिल्डर अग्रवाल - त्याचा पोरगा अभि - चहा देण्यापासून करंगळ्या कापण्याचे स्कील असलेला प्रताप ही सर्वच पात्रे सुरेख रंगवली आहेत.

लेखकाने दिल्ली टच जो पुस्तकात दिला आहे, त्याला तोड नाही...अर्थात त्यामुळेच शिव्यांचा भडिमार पुस्तकात आहेच😃.

अक्षय कुऱ्हे यांनी पुस्तकाचा अनुवाद उत्कृष्ट केला आहे. मजा आली हे पुस्तक वाचून खूप जास्त !