#५९ पाकिस्तानी अणुबॉम्ब : एक घोर फसवणूक - लेखक सुधीर काळे

#marathibookreview #6/2026

"न्युक्लिअर डिसेप्शन" या इंग्रजी पुस्तकाचा अनुवाद ' पाकिस्तानी अणुबॉम्ब: एक घोर फसवणूक" या नावाने सुधीर काळे या लेखकाने केला आहे. पाकिस्तानी अणुबॉम्बचे जनक डॉ अब्दुल कादीर खान यांनी तंत्रज्ञान चोरून आधी भुट्टो आणि नंतर जनरल झिया यांच्या मदतीने अणुबॉम्ब कसा सत्यात उतरवला याची ही कहाणी. जरी आपण लोकं पाकिस्तानला बेअक्कल, भुरटे, खोटारडे म्हणत असलो, तरी देखील येनकेन मार्गाने त्यांच्याकडे अणुबॉम्ब आला... इस्राएल, अमेरिकेच्या आणि युरोपच्या नजरेतून जरी पाकडे एक दिवस त्यांचा इस्लामिक बॉम्ब वापरून घात करतील अशी काळजी डोक्यात ठेऊन झोपत असले, तरी अमेरिकेच्या इराण - इराक - रशियाला शह देण्याच्या नादात या अणुबॉम्बचा जन्म झाला हे विसरून कसे चालेल. २०१५ साली प्रकाशित झालेले ४१५ पानांच्या पुस्तकात अमेरिकेने लाखो डॉलर फेकून पाकिस्तानचा प्याद्यासारखा वापर कसा केला याची परिपूर्ण वर्णन वाचायला मिळाले.

आपले भाग्य हेच की आपल्याला अफगाणिस्तान, इराण, रशिया सारखा शेजार नाहीये... नाहीतर पाकिस्तान्यांप्रमाणे आपल्या नेत्यांना विकत घेणे अमेरिकेला सहज शक्य होते.

मूळ लेखक एड्रियन लेव्ही आणि कॅथरिन स्कॉट -क्लर्क  लेखक द्वयीने लिहिलेल्या या पुस्तकात परमाणु बाजारात पैशासाठी पाकिस्तानने दहशदवाद्यांना देखील गुपिते विकल्याचे नमूद केले आहे. अर्थात ज्यांना विकले ते इराक, लिबिया तर नष्ट झाले...आता इराण युद्धाच्या उंबरठ्यावर अमेरिका असताना पाकिस्तानने विकलेला अणुबॉम्ब इराण अचानक बाहेर काढून जगाला हादरा देते का हे काही दिवसात कळेलच. देव करो आणि मी चुकीचा ठरो...पण गाझा युद्धानंतर अमेरिकेच्या मागे दहशतवादी हात धुऊन लागणार आणि २१ व्या शतकात जग पुन्हा एकदा संहारक अणुबॉम्बला तोंड देईल असे मला मनातून वाटते आहे.

बघूया😁😃