#7/2026
फिल्मफेअरचा फेब्रुवारीचा अंक अगदीच रटाळ निघाला... कदाचित फिल्मफेअर OTT अवॉर्ड 2025 वर सगळा कंटेंट होता आणि मी क्वचितच नेटफ्लिक्स पहात असल्याने मला जवळपास सगळ्याच कलाकारांची नावे पहिल्यांदा ऐकायला मिळाली.
स्पेशल शोकेसमध्ये मल्याळी गायक स्टेबिन बेन आणि अभिनेत्री नुपूर सॅनन ( क्रीतीची बहीण) यांच्या विवाहसोहळ्यातील काही फोटो आणि नवविवाहित दाम्पत्याची मुलाखत घेतली आहे. मनीष मल्होत्राने डिझाइन केलेले कपडे असल्याने, कदाचित पॅकेजमध्येच हा इंटरव्ह्यू छापून मिळाला असेल.😝. दाम्पत्य आदर्श पतिपत्नीसारखे छान छान आणि आदर्श बोलले👏.
अनन्या पांडेने "कॉल मी बाई" नावाच्या सिरीजसाठी बेस्ट ॲक्टर (कॉमेडी) साठी पुरस्कार मिळवला आणि त्या बदल्यात फिल्मफेअरमध्ये १० वेळा वेगवेगळ्या भिंतीपाशी उभे राहून फोटो मिरवला🤩. अनन्या आणि माझा जीवन स्ट्रगल सारखाच आहे उगाच म्हणत नाही मी🙏.
वेगवेगळ्या विषयांवरच्या OTT सीरिज आणि चित्रपट आलेत हे तरी यामुळे मला समजले आणि काही चित्रपट नक्की बघेन असे वाटते आहे...किमान काय बघायचे म्हणून चाळण्यात वेळ घालवून झोपायला तरी आता जाणार नाही.
बाकी फिल्मफेअर OTT समारंभात कोणी काय कपडे घातले याचा लेखा जोखा फिल्मफेअरवाल्यांच्या जुन्या आवडीप्रमाणे मांडलाच आहे. शत्रुघ्न सिन्हाची वाचकांनी घेतलेली रॅपिड फायरमधली मुलखात उत्तम!
शेवटला ए आर रेहमानची "मला असं म्हणायचंच न्हवते, गैरसमज झाले, पब्लिक चुकीचे" यावर जितेश पिल्लेने लेख लिहून बाजू मांडली आहे.
No comments:
Post a Comment